Qallunaatut atia: Havlit
Latiinerisut atia: Clangula hyemalis
Tuluttut atia: Long-tailed Duck
Sorlernut ilaava: Timmissat
Timmiaqatai: Qeerlutuukkut
Ilaqutai: Qussuit, nerlerit qeerlutuullu

Alleq Kalaallit Nunaanni tamarmi nalinginnaasumik erniortuuvoq. Piaqqisarpoq qaqqani tatsit sinaanni, immani sinerissani pukkitsuni kangerlunnilu qeqertaaqqani.

Ilisarnaatai
Angutivissap papiisa qeqqi tannerupput, 20 cm-inik takissuseqarsinnaallutik. Angutiviaq ukiumi qaqortuusarpoq tunua, qungasiata sanerai sakiaalu qernertortaqarlutik. Arnaviaq qernaluttoq kajortuuvoq niaqua pukusualu qaqortuullutik, kassera qernertuulluni. Piaqqinerminni angutiviaq qernaluttoq kajortuusarpoq, isaasa sinai qaqortortaqarlutik, arnaviaq taarnerulaarluni.

Nerisai
Alleq nerisassarsiorluni 100 meterit sinnerlugit imaani aqqarsinnaavoq, nerisarinerullugit siuteqqut, uillut, peqquit, sullerngit aalisakkallu.

Havlit - Clangula hyemalis - Long-tailed Duck
Paasissutissat
  • Uumaffii: Sineriak imarlu
  • Sului siaarlutik: 72-79 cm
  • Takissusia: 37-41cm (papii ilanngunnagit)
  • Oqimaassusia: 500-950 g
  • Sivisunerpaamik uumasarpoq: ukiut 22
  • Manniisa amerlassusaat: 6-9
  • Manniliortarpoq: ukiumut ataasiarluni
  • Ivasarpoq: ullut 24-29
  • Piarai piaraasarput: ullut 35-40
Nalunngiliuk?
Allerit ilarpassui Kalaallit Nunaata kitaani sinerissami imaluunniit Tunumi Ammassallup eqqaani sikuneq ajortuni ukiisarput. Kalaallit Nunaata allerisa ilaat ukiumi allanukartarput, avataannarsuani imaani itisuuni amerlanngitsukkuutaarlutik uumasarlutik.