Qallunaatut atia: Hjejle
Latiinerisut atia: Pluvialis apricaria
Tuluttut atia: European Golden Plover
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Naloraarusillit Brokfugle

Anngillit ikittunnguullutik Ittoqqortoormiit eqqaanni erniortarput. Kalaallit Nunaata kitaata kujataanut Tunullu kujasissuanut nuttartuuvoq. Apriili-maajimi erniorfissaminut pisarpoq septembarilu tikillugu ingerlaartut takuneqarsinnaasarlutik. Narsartani avaalaqialinni naggorissuniittarput.

Ilisarnaatai
Anngillip piaqqinermi nalaani ilisarnaatigaa saani qernertuummat qaqortumik sinaakkutilik, tununilu sungaartoq qernertunik milalik. Arnavissalli saava tamalaanik qalipaateqarpoq. Anngillip naavi niaqualu ukiukkut qaqortuupput, niaqua sungaartortaqarluni.

Nerisai
Nerisarai uumasut mikisut assigiinngitsut, soorlu sullerngit, siuteqqut qullugissallu.

Hjejle - Pluvialis apricaria - Eurasian golden plover
Paasissutissat
  • Uumaffii: Qaqqat, Sineriak imarlu
  • Sului siaarlutik: 67-76 cm
  • Takissusia: 27 cm
  • Oqimaassusia: 140-210 g
  • Sivisunerpaamik uumasarpoq: ukiut 12
  • Manniisa amerlassusaat: 8
  • Manniliortarpoq: ukiumut ataasiarluni
  • Ivasarpoq: ullut 28-31
  • Piarai piaraasarput: ullut 25-33
Nalunngiliuk?
Anngillip ilisarnaatigai unini qaqortut, timminermini assut erseqqissut. Taamaalilluni anngilik allaaneruvoq Amerikami narsarsuarni uumasunit anngilinnit qaqutigoornerusunit qasertunik unilinnit, anngilinnillu sissamiittartunit qernertunik unilinnit.