Qallunaatut atia: Polarlomvie
Latiinerisut atia: Uria lomvia
Tuluttut atia: Thick-billed Murre
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Appakkut

Appa appakkut Kalaallit Nunaanni timmissat assigiinngitsut tallimaasut ilagaat. Allat tassaapput appaliarsuk, serfak, apparluk qilanngarlu. Imaani timmiaapput. Alloraangamik sulutik atortarpaat. Kalaallit Nunaata kitaata annersaani nalinginnaavoq.

Ilisarnaatai
Appat appakkutut allatulli ilisarnaatigaat qalipaatini qaqortoq qernertorlu, aammalu siggussuani takisooq qernaluttoq. Nunami mitsimagaangami nissuni tamakkerlugit tutisimasarpoq.

Nerisai
Imaani 150 meterit tikillugit allorsinnaavoq ammassannik aalisakkanillu allanik mikisunik neriniarluni. Minutsi ataasingajak allorsimasinnaavoq. Ukiukkut peqquppassuit nerisarpai.

Paasissutissat
  • Uumaffii: Sineriak imarlu
  • Sului siaarlutik: 70 cm miss.
  • Takissusia: 42-48 cm
  • Oqimaassusia: 750-1480 g
  • Sivisunerpaamik uumasarpoq: ukiut ?
  • Manniisa amerlassusaat: 1
  • Manniliortarpoq: ukiumut ataasiarluni
  • Ivasarpoq: ullut 30-35
  • Piarai piaraasarput: ullut ?
Nalunngiliuk?
Appap piaqqani sapaatip-akunneri pingasut missiliorlugit pisoqaassuseqaleraangata innami ullumik ataani imaaniit aggersartarpai. Piaraat suli timmisinnaasanngillat, ulluminniilli angajoqqaaminnut ammut pissittarlutik. Piaqqat imaaniiginnartarput sulummik meqquninnissaasa timmisinnaalernissamillu tungaanut.
Polarlomvie - Uria lomvia - Brûnnich's Guillemot; Thick-billed Murre