Qallunaatut atia: Atlantisk lomvie
Latiinerisut atia: Uria aalge
Tuluttut atia: Common Murre
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Appakkut

Appa sigguttooq Kalaallit Nunaanni qaqutigoortuuvoq. Kalaallit Nunaata kitaanili Disko Bugtip kujataani issittup appai peqatigalugit ineqarfiini piaqqiortarpoq. Kalaallit Nunaata kitaata avataani imaani ukiisarpoq.

Ilisarnaatai
Aasakkut tunua, torlua niaqualu qernarissuusarput. Ikittunnguilli isimik sinaasigut qaqortumik titarniisaqartarput. Ukiukkut torlua uluaalu qaqortuusarput isai qernertumik titarniisaqarlutik. Siggui qernertuupput timaata sanerai qaqortoq qernertorlu akuleriissitaarlutik.

Nerisai
Allorluni nerisassarsiortarpoq, tassaanerusunik aalisakkat, amikut peqquillu. 100 meterit tikillugit allorsinnaavoq.

Lomvie - Uria lomvia - Common Murre
Paasissutissat
  • Uumaffii: Sineriak imarlu
  • Sului siaarlutik: 64-73 cm
  • Takissusia: 40-47 cm
  • Oqimaassusia: 700-1400 gr
  • Sivisunerpaamik uumasarpoq: ukiut 42
  • Manniliortarpoq: ukiumut ataasiarluni
  • Ivasarpoq: ullut 28-32
  • Piarai piaraasarput: ullut 14-21
Nalunngiliuk?
Appa sigguttooq assingusorujussuuvoq appamut, naannerusumik eqiminiit qaqortumik titarniisalimmik siggulimmut. Ukiuunerani immikkoorutigaat appat uluaat qernertuinnaagamik. Appat pillugit uani suli atuaqqissinnaavutit.