Qallunaatut atia: Hvid vipstjert
Latiinerisut atia: Motacilla alba
Tuluttut atia: White wagtail
Sorlernut ilaava: Timmissat
Timmiaqatai: Timmiaaqqat
Ilaqutai: Piberit vipstjertillu

Eqqoqqortuut akuttunngitsunik amerlanngitsukkuutaarlutilli Ammassallup eqqaani piaqqisarput, tamaani ukiumoortumik aqqusaartartuullutik. Tamatuma saniatigut Kalaallit Nunaata kitaani avannamut Disko Bugt tikillugu piaqqiortut naammattoorneqartarput. Eqqoqqortuut Tunup avannaata kujasissuani aamma ukiumoortumik aqqusaartarput.

Ilisarnaatai
Eqqoqqortooq tuattuuvoq takisoorujussuarmik papilik. Tunua qernertoq qasertuuvoq saava qaqortuulluni. Kassera, pukusua, torlua sakiaasalu qulaatungaat qernertuupput, niaqua qaqortuulluni. Angutivissap kassera arnavissap kasseraniit taarneruvoq.

Nerisai
Nerisarai uumasuaqqat, soorlu sullerngit niviukkakkullu.

Hvid vipstjert - Motacilla alba - White wagtail
Paasissutissat
  • Uumaffii: Qaqqat
  • Sului siaarlutik: 25-30 cm
  • Takissusia: 17-19 cm
  • Oqimaassusia: 18-30 g
  • Sivisunerpaamik uumasarpoq: ukiut 12
  • Manniisa amerlassusaat: 5-6
  • Manniliortarpoq: ukiumut marloriarluni
  • Ivasarpoq: ullut 13-14
  • Piarai piaraasarput: ullut 14-16
Nalunngiliuk?
Piaqqiunnginnerminni amerlasuukkuutaarlutik takussaasarput, tamannalu nersutinut qaasuttunut illersuutigaat, pingaartumik unnuakkut. Taamatut ataatsimut tuusintillit arlaqarlutik unnuiffimminniittarput.