Qallunaatut atia: Havterne
Latiinerisut atia: Sterna paradisaea
Tuluttut atia: Arctic tern
Sorlernut ilaava: Timmissat
Timmiaqatai: Naajat naloraarusillit
Ilaqutai: Imeqqutaalakkut

Kalaallit Nunaanni imeqqutaallat ikilerujussuarsimapput. Taamaattumik Nuup Disko Bugtillu akornanni taamaallaat nalinginnaalersimallutik, Kalaallit Nunaata sinnerani tamani tamaaniinnaq imaluunniit taamaallaat ikittunnguakkuutaarlutik piaqqisalersimallutik. Sinerissami qeqertaaqqani sissamiluunniit piaqqisarput.

Ilisarnaatai
Imeqqutaalaq qaqortuuvoq qasertoq qaamasuulluni, niaquata qaava qernertuulluni, siggui aappaluttuupput, niui naatsuaqqat aappaluttut. Sului amitsuupput, papii quppaasaqarput isui takisuujullutik.

Nerisai
Imeqqutaallat nerisarineruaat aalisagaaqqat peqquillu aarsaapiloorlutik pisarisakkatik.

Havterne - Sterna paradisaea - Arctic Tern
Paasissutissat
  • Uumaffii: Sineriak imarlu
  • Sului siaarlutik: 80-95 cm
  • Takissusia: 33-39 cm
  • Oqimaassusia: 80-120 g
  • Sivisunerpaamik uumasarpoq: ukiut 30-35
  • Manniisa amerlassusaat: 1-3
  • Manniliortarpoq: ukiumut ataasiarluni
  • Ivasarpoq: ullut 21-22
  • Piarai piaraasarput: ullut 21-26
Nalunngiliuk?
Imeqqutaalaq ukiukkut Sikuiuitsoq Kujallermi sikunut katinngasunukartarpoq. Taamaalilluni imeqqutaalaq upernaakkut ukiakkullu nuttarnermini takinerpaamik ingerlaffeqarpoq, silarsuarmi kisiartaalluni ukiumut taamarujussuaq nikittarluni.