Qallunaatut atia: Almindelig kjove
Latiinerisut atia: Stercorarius parasiticus
Tuluttut atia: Arctic Skua; Parasitic Jaeger
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Isunngakkut

Isunngaq Kalaallit Nunaata kitaani sinerissami nalinginnarmik piaqqiortuuvoq aallartartuulluni. Piaqqisarput Tunumi sinerissani Ittoqqortoormiit Hochstetter Forlandimut. Isunngaq Kalaallit Nunaanni maaji-septembarimi takussaasarpoq.

Ilisarnaatai
Isunngaq sulummigut qaqortortaqarpoq papii takisuujullutik. Ilaat qaamasuupput ilaallu taartuullutik. Taartut qaserujuttoq kajuartuinnaapput niaquata qaava qernertuulluni, qaamasup saava torlualu qaqortuullutik.

Nerisai
Isunngat nerisaraat aalisakkat, manniit, timmissat piaraat, sullerngit, paarnakujuit naasukujuillu.

Almindelig kjove - Stercorarius parasiticus - Arctic skua
Paasissutissat
  • Uumaffii: Sineriak imarlu
  • Sului siaarlutik: 97-115 cm
  • Takissusia: 46-52 cm
  • Oqimaassusia: 380-600 g
  • Sivisunerpaamik uumasarpoq: ukiut 31
  • Manniisa amerlassusaat: 2
  • Manniliortarpoq: ukiumut ataasiarluni
  • Ivasarpoq: ullut 25-28
  • Piarai piaraasarput: ullut 25-30
Nalunngiliuk?
Isunngaq sinerissami piaqqisarpoq peqatigalugit taateraat, naajat imeqqutaallallu, nerisaannik tilliffigisakkani. Isunngat timmissat imarmiut allat nerisaannik arsaartortarpaat silaannakkut malersoriarlugit saassuttarlugit.