Qallunaatut atia: Mellemkjove
Latiinerisut atia: Stercorarius pomarinus
Tuluttut atia: Pomarine Skua; Pomarine Jaeger
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Isunngat

Isunngarsuaq juuni-oktobarimi Kalaallit Nunaata imartaani tamani aasakkut tikiusimasarpoq. Kalaallit Nunaatali kitaani Nuummiit Uummannaq tikillugu nalinginnaaneruvoq. Kalaallit Nunaanni piaqqiortanngilaq

Ilisarnaatai
Papii qiterliit tannerupput qipisuullutik. Ilisarnaatigai aamma sulummigut qaqortortaqarami. Ilaqarput aamma taarnerullutillu qaamanerusunik (takuuk nalunngiliuk).

Nerisai
Isunngarsuit Tunumiittartut piaqqinerminni nerisaraat avinngat, piaqqiunnginnerminni nerisaralugit aalisakkat, timmissanit imarmiunit allaniit tillitatik.

Mellemkjove - Stercorarius longicaudus - Pomarine Skua; Pomarine Jaeger
Paasissutissat
  • Uumaffii: Sineriak imarlu
  • Sului siaarlutik: 113-130 cm
  • Takissusia: 48-51 cm
  • Oqimaassusia: 550-900 g
  • Manniisa amerlassusaat: amerlanertigut 2
  • Manniliortarpoq: ukiumut ataasiarluni
  • Ivasarpoq: ullut 25-27
  • Piarai piaraasarput: ullut 31-32
Nalunngiliuk?
Isunngarsuup qaqornerusup tunua taartuuvoq, sakiai taartuullutik, niaquata qaava qernertuulluni, naavi qaqortuullutik kiinaalu qaqortoq sungarpaluttuulluni. Qernernerusorli assigiimmik taartuinnarmik qalipaateqarpoq, taamaallaat sului qaqortortaqarlutik. Qaqornerusut nalinginnaanerupput.