Qallunaatut atia: Snegås
Latiinerisut atia: Anser caerulescens
Tuluttut atia: Snow Goose
Sorlernut ilaava: Timmissat
Timmiaqatai: Qeerlutuukkut
Ilaqutai: Qussuit, nerlerit qeerlutuullu

Kangut ikittunnguullutik piaqqiortarput Disko Bugtimiit Upernavik tikillugu aammalu Tunup avannaani, kiisalu Kalaallit Nunaata avannaani nalinginnaallutik. Nunap timaani tatsit anginngitsut sinaanni piaqqiortarpoq. Juunimiit septembarimut Kalaallit Nunaanni piaqqisarput, piaraat inersimasunngulersut aasaanerani aamma takkusimaartarlutik.

Ilisarnaatai
Qaqortuuvoq suluisa nuui qernertuullutik, niui sigguilu aappalungusersuullutik. “Tungujortunik” aamma ilaqarput, niaqua qungasiatalu qummut isua kisimik qaqortunik. Sinnera qasertoq taartuuvoq.

Nerisai
Naasuinnarnik nerisaqarpoq, soorlu ivikkanik, naasut pilutaannik, paarnanik, naasut naarlaavinik, sikkersussaannik sorlaannillu.

Paasissutissat
  • Uumaffii: Qaqqat
  • Sului siaarlutik: 135-165 cm
  • Takissusia: 58-85 cm
  • Oqimaassusia: 1,5-4 kg
  • Manniisa amerlassusaat: 3-6
  • Manniliortarpoq: ukiumut ataasiarluni
  • Ivasarpoq: ullut 21-25
  • Piarai piaraasarput: ullut 42-50
Nalunngiliuk?
Kangut mikisut kangullu angisuut immikkoortinneqartarput. Angisuut Kalaallit Nunaanni nalinginnaanerupput. Angisuut ukiumi USA-p Atlantikumut sineriaani New Jerseyimiit South Carolinamiittarput. Ingerlaarnerminni tamarmik sivikitsumik Canadami kuussuup St. Lawrencep eqqaaniittarput.
Snegås - Anser caerulescens - Snow Goose