Qallunaatut atia: Vandrefalk
Latiinerisut atia: Falco peregrinus
Tuluttut atia: Peregrine Falcon
Sorlernut ilaava: Timmissat
Timmiaqatai: Tigutsisillit
Ilaqutai: Kissaviarsuit

Kiinaaleeraq nalinginnaasumik piaqqiortarpoq Kalaallit Nunaata kitaani Tunumilu, avannamut Qaanaaq Ammassalillu tikillugit. Nunap timaani innani qutaarluusuni qaarsortanilu innaaqqissuni piaqqiortarpoq, Kalaallit Nunaanni maajimiit aggusti-novembarimut takussaasarluni.

Ilisarnaatai
Kiinaaleeqqap tunua qasertoq tungujuluttuuvoq allaqarluni, niaquata qaava taartuuvoq, saava sanimoortunik titarniisalik qaamanerulluni. Ulussamigut illuttut umiisaqarpoq, isaasa sinaat sungaartuullutik. Sigguisa manngui isigaallu aamma sungaartuupput.

Nerisai
Nerisarineruai timmissat sukkasoorujussuarmik aarsaarluni pisarisakkani. Arnavissap pisani kiilumik ataatsimik oqimaassusillit nerisinnaavai.

Paasissutissat
  • Uumaffii: Qaqqat
  • Sului siaarlutik: 89-115 cm
  • Takissusia: 39-50 cm
  • Oqimaassusia (angutiviaq) 600-750 g
  • Oqimaassusia (arnaviaq) 900-1300 g
  • Sivisunerpaamik uumasarpoq: ukiut 17
  • Manniisa amerlassusaat: 3-4
  • Manniliortarpoq: ukiumut ataasiarluni
  • Ivasarpoq: ullut 29-32
  • Piarai piaraasarput: ullut 35-42
Nalunngiliuk?
Kiinaaleeraq sukkasoorujussuarmik timmisarpoq. Timmilluni agguaqatigiissillugu nalunaaquttap-akunneranut 40-55 km-inik sukkassuseqartarpoq, malersuigaangami nalunaaquttap-akunneranut 112 km-inik. Piniakkaminilli nassaarluni aarsaaraangami nalunaaquttap-akunneranut 320 km-inik sukkassuseqarsinnaavoq.
Vandrefalk - Falco peregrinus - Peregrine falcon