Qallunaatut atia: Jagtfalk
Latiinerisut atia: Falco rusticolus
Tuluttut atia: Gyrfalcon
Sorlernut ilaava: Timmissat
Timmiaqatai: Tigutsisillit
Ilaqutai: Kissaviarsukkut

Kissaviarsuit Kalaallit Nunaanni tamarmi amerlanngikkaluarlutik sumi tamaani erniortarput. Kalaallit Nunaata avannaani kissaviarsuit qaqortut nalinginnaasut taaneqartarput Kalaallit Nunaata kissaviarsui. Aallartartuupput Kitaata kujataani ukiinerusarlutik. Kujasinnerusuniittartut (qasertut taarnerusullu) aallartartuunngillat.

Ilisarnaatai
Kalaallit Nunaanni kissaviarsuk assigiinngitsunik pingasunik isikkoqarpoq; ilai qasertoq kajortoq taartut, ilai qasertoq qaamasoq niaqua saavalu qaqortoq, taavalu Kalaallit Nunaata kissaviarsua qaqortuinnavik, tunua qernertunik sanimukaartunik allaqarlunilu milalik.

Nerisai
Nerisarineruai timmissat imarmiut, aqissit avinngallu, aammalu ukallit, timmiaaqqat silullu.

Jagtfalk - Falco rusticolus - Gyrfalcon
Paasissutissat
  • Uumaffii: Qaqqat
  • Sului siaarlutik: 109-134 cm
  • Takissusia: 53-63 cm
  • Oqimaassusia (angutiviaq) 800-1300 g
  • Oqimaassusia (arnaviaq) 1400-2000 g
  • Manniisa amerlassusaat: 3-4
  • Manniliortarpoq: ukiumut ataasiarluni
  • Ivasarpoq: ullut 35 miss.
  • Piarai piaraasarput: ullut 45-56
Nalunngiliuk?
Kissaviarsuk erniorfissaminut pisarpoq apriili-maajimi qimaguttarlunilu juuli-aggustimi. Kissaviarsuk nunap timaani innani qutaarluusuni piaqqisarpoq, timmissat allat ullui atoqqittarlugit.