Qallunaatut atia: Stenpikker
Latiinerisut atia: Oenanthe oenanthe
Tuluttut atia: Northern Wheatear
Sorlernut ilaava: Timmissat
Timmiaqatai: Timmiaaqqat
Ilaqutai: Kussattakkut

Kussak Kalaallit Nunaanni timmiaaqqat nalinginnaasut ilagaat. Kalaallit Nunaata kitaani avannamut Qaanaaq/Inglefield Land Tunumilu Dove Bugt tikillugu piaqqiortarpoq. Kussak apriilimiit oktobarimut nunap timaani nalinginnaavoq. Afrikami ukiisarpoq.

Ilisarnaatai
Angutivissap tunua kasseralu qasertuupput, sului qernertuullutik isimi eqqaatigut qernertortaqarluni. Saava torlualu aappalualaartoq kajuartuupput. Arnaviaq qaamaneruvoq, qasertoq kajuarnerulluni kiinnamini qernertortaqarani.

Nerisai
Nerisarai sullerngit, qullugissat siuteqqullu kiisalu naasut pisataasa ilaat. Sullerngit silaannarmi timmisut pisarisarpai.

Paasissutissat
  • Uumaffii: Sineriak imarlu
  • Sului siaarlutik: 26-32 cm
  • Takissusia: 15-16 cm
  • Oqimaassusia: 17-30 g
  • Sivisunerpaamik uumasarpoq: ukiut 11
  • Manniisa amerlassusaat: 5-7
  • Manniliortarpoq: ukiumut 1-2-riarluni
  • Ivasarpoq: ullut 13-15
  • Piarai piaraasarput: ullut 15 miss.
Nalunngiliuk?
Kussaap timmilluni ilisarnaatigai papimmi silittup qernertortaa papimmilu meqqui qiterliit qernertut, katillutik killormut sammisutut T-tut isikkullit.
Stenpikker (Digesmutte) - Oenanthe oenanthe - Northern Wheatear