Qallunaatut atia: Engpiber
Latiinerisut atia: Anthus pratensis
Engelsk navn: Meadow Pipit
Sorlernut ilaava: Timmissat
Timmiaqatai: Timmiaaqqat
Ilaqutai: Piperit eqqoqqortuullu

Kussattarnat qaqutigoortuupput amerlanngitsuinnaallutik, Tunumi taamaallaat siumugassaallutik. Aallartartuuvoq. Apriili-maajimi erniorfissaminnukartarput septembarimilu aallaqqittarlutik.

Ilisarnaatai
Meqqui kajortuupput qasertoq kajortuullutilluunniit tunui qernertunik tanneranoortunik allaqarlutik. Saava qasertoq sungarpaluttuunngikkuni qaserujuttuuvoq taartunik amitsukujuunik allaqarluni milaqarluniluunniit. Papii taartuupput sinai qaqortuullutik. Isini kaajallallugu ammalortumik aamma qaqortortaqarpoq.

Nerisai
Nerisarai sullerngit, qullugissat, aasiaat uumasuaqqallu allat nunami nassaani.

Engpiber - Anthus pratensis - Meadow Pipit
Paasissutissat
  • Uumaffii: Qaqqat
  • Sului siaarlutik: 22-25 cm
  • Takissusia: 14-16 cm
  • Oqimaassusia: 14-25 gr
  • Sivisunerpaamik uumasarpoq: ukiut 7
  • Manniisa amerlassusaat: 4-5
  • Manniliortarpoq: ukiumut 1-2-riarluni
  • Ivasarpoq: ullut 13-14
  • Piarai piaraasarput: ullut 13-14
Nalunngiliuk?
Manniliortarpoq narsartani ivigalinni isugutasuni imaluunniit qaqqami paarnaqutaannalinni. Nunami itersartani ulloqartarpoq naasunik meqqunillu oqorsaasersukkanik. Naasut akornanni ilassuuttuusarpoq ujaqqalluunniit ataaniittarluni.