Qallunaatut atia: Vindrossel
Latiinerisut atia: Turdus iliacus
Tuluttut atia: Redwing
Sorlernut ilaava: Timmissat
Timmiaqatai: Timmiaaqqat
Ilaqutai: Kussattakkut

Kussattarsuaq oktobarimiit maajimut Kalaallit Nunaanniittarpoq. Tunumi avannamut Ittoqqortoormiit tikillugit amerlasoorsuusarput, Kitaanili qaqutigoornerusarlutik, avannamulli Disko tikillugu takussaasarlutik. Kussattarsuaq Kalaallit Nunaata kujataani avaalaqialinni orpissanillu ikkussuiffigisani arlaleriarluni piaqqiortarsimavoq.

Ilisarnaatai
Kussattarsuaq kussattaavoq mikisunnguaq sanerai suluisalu atai aappillarissut. Tunua kajortuuvoq sakiai qaqortuullutik kajortunik titarniisallit. Isaasa qulaat qaqortuupput qaqortunik umiisaqarluni.

Nerisai
Nerisarai qullugissat, siuteqqut sullerngillu. Ukiukkut aamma paarnartortarpoq.

Vindrossel - Turdus iliacus - Redwing
Paasissutissat
  • Uumaffii: Qaqqat
  • Sului siaarlutik: 33-34,5 cm
  • Takissusia: 20-21 cm
  • Oqimaassusia: 55-75 g
  • Sivisunerpaamik uumasarpoq: ukiut 17
  • Manniisa amerlassusaat: 5-6
  • Manniliortarpoq: ukiumut marloriarluni
  • Ivasarpoq: ullut 12-14
  • Piarai piaraasarput: ullut 12-14
Nalunngiliuk?
Kussattarsuit ilaanneeriarlutik amerlasoorsuakkuutaarlutik Kalaallit Nunaannut tikerarsinnaasarput Nunanit Avannarlerniit anorinit sakkortuunit tingitaallutik.