Qallunaatut atia: Kongeederfugl
Latiinerisut atia: Somateria spectabilis
Tuluttut atia: King Eider
Sorlernut ilaava: Timmissat
Timmiaqatai: Qeerlutuukkut
Ilaqutai: Qussuit, nerlerit qeerlutuullu

Miteq sioraki Kalaallit Nunaata avannaani kangianilu nalinginnaasumik piaqqiortarpoq, sinerissap eqqaani tatsit eqqaanni kisimiittoq siumugassaalluni. Kalaallit Nunaata avannaani aamma piaqqisarpoq, akuttunerusumilli.

Ilisarnaatai
Piaqqinerup nalaani angutivissap ilisarnaatigai sigguni aappaluartoq sungarpaluttoq, siggummi qaavani qattunersaq, niaqqumi qaava pukutsunilu tungujortoq qaamasut, ersanilu qorsuit. Piaqqiunngikkaangami angutivissap meqqui qernertuullutillu qaqortuusarput. Arnaviaq manngertornerup qalipaateqataanik qernaluttunik meqqoqarpoq ilisarnaatigalugit eqini “qungujulasutut” isikkullit.

Nerisai
Miteq siorartuutulli nerisarai uillut, siuteqqut, peqquit aalisakkallu, 50 meterinik aqqarluni piniartakkani.

Kongeederfugl - Somateria spectabilis - King Eider
Paasissutissat
  • Uumaffii: Sineriak imarlu
  • Sului siaarlutik: 87-100 cm
  • Takissusia: 56-62 cm
  • Oqimaassusia: 1,5-2 kg
  • Manniisa amerlassusaat: 4-5
  • Manniliortarpoq: ukiumut ataasiarluni
  • Ivasarpoq: ullut 22-24
Nalunngiliuk?
Mitit siorakitsorpassuit Kalaallit Nunaata avannaaniit Canadamiillu Kalaallit Nunaata kitaata avataani sikuneq ajortunut ukiiartortarput. Aasakkut angutiviarpassuit Kalaallit Nunaata kitaani kangerlunni katersuuttarput meqqutit katanniarlugit (isaniarlutik).