Qallunaatut atia: Ederfugl
Latiinerisut atia: Somateria mollissima
Tuluttut atia: Common Eider
Sorlernut ilaava: Timmissat
Timmiaqatai: Qeerlutuukkut
Ilaqutai: Qussuit, nerlerit qeerlutuullu

Miteq siorartooq Kalaallit Nunaata kitaani Tunumilu avannamut Hall Land aamma Germania Land tikillugit sinerissani nalinginnaavoq. Kitaata mitii avataani sikuneq ajortuni ukiisarput, Tunumiittulli ilarpassui Islandimut ukiiartortarlutik.

Ilisarnaatai
Angutivissap qaava naavilu piarartaarnermik nalaani qernertuusarpoq, tunua uluaalu qaqortuullutik. Angutivissap pukusua qorsorpaluttuuvoq sakiai aappaluartuullutik. Arnaviaq kajortuuvoq qernertunik milaqarluni.

Nerisai
Miteq aqqartartuuvoq nerisassarsiorluni 20 meterit tikillugit aqqarsinnaalluni. Nerisarineruai uillut, siuteqqut, peqquit aalisakkallu.

Ederfugl - Somateria mollissima - Common Eider
Paasissutissat
  • Uumaffia: Sineriak imarlu
  • Sului siaarlutik: 80-110 cm
  • Takissusia: 58-65 cm
  • Oqimaassusia: 1,2 – 2,8 kg
  • Oqimaassusia: 1,2 – 2,8 kg
  • Manniisa amerlassusaat: 4-6
  • Manniliortarpoq: ukiumut ataasiarluni
  • Ivasarpoq: ullut 25-28
  • Piarai piaraasarput: ullut 65-75
Nalunngiliuk?
Mitit sinerissami qeqertaaqqani, kangerlunni nunavimmiluunniit ineqarfimminni piaqqisarput. Ullui nunaannarmi ivikkaniittarput qaarsortat killingini orpikkalluunniit sinaanni. Arnaviaq ulluliortarlunilu mannimminik ivasuusarpoq.