Qallunaatut atia: Hvidvinget måge
Latiinerisut atia: Larus glaucoides
Tuluttut atia: Iceland Gull
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Naajat

Naajaannaq Kalaallit Nunaata kitaani avannamut Upernavik tikillugu nalinginnaasumik piaqqiortuuvoq, Tunup kujasissuani ikittuinnaat piaqqiortuullutik. Sikuneq ajortuni ukiinerusarput, amerlanngitsulli Amerika Avannarlermut Europalluunniit avannaata kitaanut ingerlaartarlutik.

Ilisarnaatai
Naajap meqqui qaqortuupput tunua qasertoq qaqungajattuulluni, suluisa nuui qaqortuupput ataat qaqortuullutik. Naaja sungaartumik siggoqarpoq aappaluttumik milalimmik, isaasa sinaat aappaluttuullutik, sului takisuut amitsukujuut eqquiniit tannerullutik.

Nerisai
Nerisani aalisakkat immap qaani ikkattumiluunniit allorluni pisarisarpai. Nerisarai aamma igitat, peqquit, uillut silullu.

Hvidvinget måge - Larus glaucoides - Iceland Gull
Paasissutissat
  • Uumaffii: Sineriak imarlu
  • Sului siaarlutik: 123-139 cm
  • Takissusia: 60 cm
  • Oqimaassusia: 750-1000 g
  • Manniisa amerlassusaat: 2-3
  • Manniliortarpoq: ukiumut ataasiarluni
  • Ivasarpoq: ullut 28 miss.
Nalunngiliuk?
Naaja nalinginnaasumik piaqqiortarpoq qeqertani, sinerissami qaarsuusumi, sinerissamiluunniit qaqqani qutaarlunni. Angutiviaq arnaviarlu tamarmik ulluliortarput, qaarsuinnarmi imaluunniit naatsunik naasulinni toqqorlugit.