Qallunaatut atia: Rosenmåge
Latiinerisut atia: Rhodostethia rosea
Tuluttut atia: Ross' Gull
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Naajakkut

Naajannguaq Kalaallit Nunaata imartaani qaqutigut aasakkut takkusimasarlunilu timmiaavoq aallartartoq, pingaartumik Tunup avannaani saatsersunik sikulimmi. Tunup avannaani qaqutigorujussuarlu Disko Bugtimi Upernaviullu eqqaani ikittunnguullutik piaqqiortarput. Avannaarsuani issittumi nalinginnaasumik ukiisarput.

Ilisarnaatai
Naajaavoq mikisunnguaq papii qiterliit tannerullutik. Qaqortuuvoq saava aappalualaannguarluni, tunua qasertoq tungujuartuulluni, piaqqinermi nalaani qernertumik qungaserutaasaqarpoq. Piaqqat inersimasunngulersut sului qernertortaqarput.

Nerisai
Timminermini sigguni immap qaanut misoqattaartarpai aalisakkanik, peqqunnik sullinernillu pisaqarniarluni.

Paasissutissat
  • Uumaffii: Sineriak imarlu
  • Sului siaarlutik: 73-100 cm
  • Takissusia: 29-32 cm
  • Oqimaassusia: 140-250 g
Nalunngiliuk?
Naajannguit naajakkunnut allanut, soorlu imeqqutaallanut taateraanullu akuliukkajupput.
Rosenmåge - Rhodostethia rosea - Ross' Gull