Qallunaatut atia: Svartbag
Latiinerisut atia: Larus marinus
Tuluttut atia: Great Black-backed Gull
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Naajat

Naajarluk Kalaallit Nunaata kitaani sinerissami qeqertani sinerissamiluunniit qaarsulinni piaqqiortarpoq avannamut Upernaviup kujasissua tikillugu. Tunumi Ammassallip eqqaani akuttullutik aamma piaqqiortarput. Kalaallit Nunaata kitaani imaani sikuneq ajortuni ukiisarput.

Ilisarnaatai
Naajarluk Kalaallit Nunaanni silarsuullu sinnerani naajakkut annersaraat. Saava qaqortuuvoq tunua qasertoq qernaluttuulluni - suluisa sinaat qaqortuupput. Isigai aappalorujuttuupput.

Nerisai
Nerisarai aalisakkat, timmissat piaraat, timmissat mannii, silut igitallu aammalu timmissat allat, siggumminik toquttakkani.

Paasissutissat
  • Uumaffii: Sineriak imarlu
  • Sului siaarlutik: 145-170 cm
  • Takissusia: 60-78 cm
  • Oqimaassusia: 1,15 -2,15 kg
  • Sivisunerpaamik uumasarpoq: ukiut 27
  • Manniisa amerlassusaat: 3
  • Manniliortarpoq: ukiumut ataasiarluni
  • Ivasarpoq: ullut 27-28
  • Piarai piaraasarput: ullut 49-56
Nalunngiliuk?
Naajarluup siggussui sungaartuupput aappaluttumik milallit. Inersimasup sigguisa aappaluttortaat piaqqat toortaraangassuk piaqqami nerisassaat iisani meriarisarpai.
Svartbag - Larus marinus - Great black-backed gull