Qallunaatut atia: Gråmåge
Latiinerisut atia: Larus hyperboreus
Tuluttut atia: Glaucous Gull
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Naajat

Naajarujussuaq Kalaallit Nunaata sineriaani amerlanerusuni nalinginnaasumik erniortuuvoq. Kujasissumili amerlanerullutik, avannarpasinnerpaani ikittuinnannguit erniortarput imaluunniit erniortoqassanani. Kalaallit Nunaata kitaata avataani sikuneq ajortuni amerlasoorsuullutik ukiisarput.

Ilisarnaatai
Naajarujussuaq qaamasuuvoq, tunua qasertoq tungujuartuulluni, suluisa nuui qaqortuupput ataallu qaqortuullutik. Angisuumik sungaartumik siggoqarpoq aappaluttumik milalimmik; silittunik naatsukullannik suloqarpoq.

Nerisai
Suut tamaasa nerisaraat, soorlu aalisakkat, paarnat, peqquit, manniit, timmissat piaraat, silut uillullu.

Gråmåge - Larus hyperboreus - Glaucous gull
Paasissutissat
  • Uumaffii: Sineriak imarlu
  • Sului siaarlutik: 138-162 cm
  • Takissusia: 63-70 cm
  • Oqimaassusia: 1,- 2,2 kg
  • Sivisunerpaamik uumasarpoq: ukiut 18
  • Manniisa amerlassusaat: 3
  • Manniliortarpoq: ukiumut ataasiarluni
  • Ivasarpoq: ullut 27-28
  • Piarai piaraasarput: ullut 45-50
Nalunngiliuk?
Naajarujussuit naajaqatitik allat timmissalluunniit imarmiut ilagalugit amerlanngitsukkuutaarlutik erniortarput. Erniorfigigajuppaat sinerissami innat qutaarluusut aamma qaarsut innaat imaluunniit qeqertaaqqat. “Aappariit” ataatsiakkaarlutik ilaannikkut aamma erniortarput.