Qallunaatut atia: Inuitmåge (Thayers måge)
Latiinerisut atia: Larus thayeri
Tuluttut atia: Thayer's Gull
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Naajakkut

Naajat taakku aamma taaneqartartut Inuit Naajaat, Kalaallit Nunaata avannaani Qaanaap eqqaani sinerissami innani qutaarluusuni ikittunnguullutik piaqqiortarput. Tamatuma saniatigut Kalaallit Nunaata kitaani qaqutigoorujussuupput. Amerikap Avannarliup sineriaani ukiinerusarput.

Ilisarnaatai
Saava qaqortuuvoq niaqua qaqortuulluni, tunua qasertoq qaamasuulluni. Suluisa nuui qernertuupput qaqortunik milaqarlutik. Siggui sungaartuupput ataatigut aappaluttumik milallit.

Nerisai
Nerisarai aalisakkat, manniit, timmissat piaraat, silut uumasuaqqallu allat immap qaaniittut keeriarlugit silaannarmi nerisakkani.

Thayers måge (Inuitmåge) - Larus thayeri - Thayer's Gull
Paasissutissat
  • Uumaffii: Sineriak imarlu
  • Sului siaarlugit: 140-150 cm
  • Takissusia: 52-60 cm
  • Oqimaassusia: 1 kg miss.
  • Manneqartarpoq: 1-4-nik
  • Ukiumut manniliortarpoq: ataasiarluni
Nalunngiliuk?
Naaja taanna qaqutigoortuuvoq, aamma Europami. 2005-mi kisinneqarput piaqqiortut tallimaannaat, pingasut Irlandimi, ataaseq Norgemi ataaserlu Danmarkimi.