Qallunaatut atia: Ismåge
Latiinerisut atia: Pagophila eburnea
Tuluttut atia: Ivory Gull
Sorlernut ilaava: Timmissat
Timmiaqatai: Naajat naloraarusillit
Ilaqutai: Naajat

Naajavaarsuit Kalaallit Nunaata avannaarsuani ikittunnguullutik piaqqisarput. Avannaani Tunullu avannaani aammalu Ammassallup avannaani nunap timaani erniorfii siamasipput. Nalinginnaasumik qaqqat portusuut innaanni juuni-aggustimi erniortarput, sinerissami narsartani, innani qutaarlunni qeqertaaqqanilu.

Ilisarnaatai
Inersimasuulluni qaallorissuuvoq niui isaalu qernertuullutik, siggui qaserujuttuullutik nuui sungaartut. Piaqqat inersimasunngulersut aamma qaqortuupput, tunumikkut, sulummikkut papimmikkullu qernertunik milaqarlutik. Inersimasunngulersut siggummik kangiisigut qasertoq qernertortaqarput.

Nerisai
Naajavaarsuit nerisaraat silut, aalisakkat, peqquit uumasullu allat nerisakuisa sinnikui.

Ismåge - Pagophila eburnea - Ivory Gull
Paasissutissat
  • Uumaffii: Sineriak imarlu
  • Sului siaarlutik: 100-120 cm
  • Takissusia: 40-50 cm
  • Oqimaassusia: 448-900 g
  • Manniisa amerlassusaat: 1-3, amerlanertigut 2
  • Manniliortarpoq: ukiumut ataasiarluni
Nalunngiliuk?
Naajavaarsuk erniunngikkaangami issittup avannaani imartani sikuni saatsersuniittarpoq imaluunniit upernaakkut siku quppaqaleraangat sinerissap eqqaani sikup sinaaniittarluni. Ukiukkut kujavartertarpoq, sikunili saatsersuniiginnartarluni maniilaniiginnartarluniluunniit.