Qallunaatut atia: Odinshane
Latiinerisut atia: Phalaropus lobatus
Tuluttut atia: Red-necked Phalarope
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Saarfaarsukkut

Naluumasortoq Kitaani avannamut Thule tikillugu Tunumilu avannamut Ittoqqortoormiit tikillugit piaqqiortarpoq. Tatsit sinaanni piaqqisarpoq. Aallartartuuvoq, maajimiit septembarimut Kalaallit Nunaanniittarluni.

Ilisarnaatai
Amitsumik narlusuumik siggoqarpoq piaqqinermi nalaani qungasia aappaluttoq kajuartuusarluni torlui qaqortuullutik. Tamatuma saniatigut tunua sungaartunik kajuartunik titarniisaqarpoq saava qaqortuulluni. Ukiukkut meqqui qaamanerusarput isaasa eqqaat taarnerullutik.

Nerisai
Nerisarai sullerngit mikisut imermiut, sullerngit quperlui uumasuaqqallu isaannarnik takuneqarsinnaanngitsut, tatsini imaaniluunniit nalukkaangami qaffakaatittakkani.

Odinshane - Phalaropus lobatus - Red-necked Phalarope
Paasissutissat
  • Uumaffii: Qaqqat, Sineriak imarlu
  • Sului siaarlutik: 30-40 cm
  • Takissusia: 18 cm miss.
  • Oqimaassusia: 25-50 g
  • Sivisunerpaamik uumasarpoq: ukiut 9
  • Manniisa amerlassusaat: 4
  • Manniliortarpoq: ukiumut ataasiarluni
  • Ivasarpoq: ullut 17-21
  • Piarai piaraasarput: ullut 16-20
Nalunngiliuk?
Naluumasortut arnavissat angutivissaniit qalipaatigissaarnerupput. Imaappoq nuliunerminni arnaviaq aalajangiisuusarluni. Angutivissap mannitik tukertittarpai piaqqatillu paarisarlugit.