Qallunaatut atia: Havørn
Latiinerisut atia: Haliaeetus albicilla
Tuluttut atia: Sea eagle
Sorlernut ilaava: Timmissat
Timmiaqatai: Tigutsisillit
Ilaqutai: Kissavikkut

Nattoralik Kalaallit Nunaata kitaani avannamut Disko Bugt tikillugu nalinginnaasumik erniortuuvoq. Piaqqisut allanut nikinneq ajorput, ukioq kaajallallugu piaqqiffimminniittaramik. Piaqqalli inersimasunngulersut sikuneq ajortuni ukiisarput.

Ilisarnaatai
Nattoralik kajortuuvoq niaqua qaamanerulluni, angisuumik sungaartumik siggoqarluni. Papii naatsut qaqortuupput. Piaqqat inersimasunngulersut taarnerupput kajortunik papeqarlutik. Nattorallip ilisarnaatigai angisoorsuunini aammalu suluni takisuut silittut.

Nerisai
Nattorallit tigutsisiliupput, nerisaralugit aalisakkat, timmissat, miluumasut minnerusut silullu. Nattorallip piniakkani aarsaarfigisarpaa, aallarutsinnaagulu qasusartarlugu imaluunniit ipitsertarlugu.

Havørn - Haliaeetus albicilla - Sea eagle
Paasissutissat
  • Uumaffii: Sineriak imarlu
  • Sului siaarlutik: 200-260 cm
  • Takissusia: 90-103 cm
  • Oqimaassusia (angutiviaq) 3,1-5,5 kg
  • Oqimaassusia (arnaviaq): 4,1-7 kg
  • Sivisunerpaamik uumasarpoq: ukiut 40
  • Manniisa amerlassusaat: 2
  • Manniliortarpoq: ukiumut ataasiarluni
  • Ivasarpoq: ullut 36-42
  • Piarai piaraasarput: ullut 70-75
Nalunngiliuk?
Nattorallit kinguaassiorsinnaalersarput tallimanik-arfineq marlunnik ukioqaleraangamik, inuunertillu tamaat aappariittarlutik. Ukiorpassuarni najortakkaminnik inissarsisarput. Ullutik ukiorpassuarni atortarpaat. Innani tikikkuminaatsuni ulloqartarput.