Qallunaatut atia: Blisgås
Latiinerisut atia: Anser albifrons
Tuluttut atia: White-fronted Goose
Sorlernut ilaava: Timmissat
Timmiaqatai: Qeerlutuukkut
Ilaqutai: Qussuit, nerlerit qeerlutuullu

Nerleq Kalaallit Nunaata kitaani Nuummiit Upernavik tikillugu uumasuuvoq. Nalinginnaasumik piaqqiortuuvoq, qaqqani nunallu timaani tatsit sinaanni narsartani manniliortarluni. Nerleq aallartartuuvoq. Kalaallit Nunaanni apriilimiit septembarimut takussaasarpoq.

Ilisarnaatai
Nerlerup meqqui qasertut kajuartuupput ataatungaat qernertunik titarniisaqarlutik. Siggui portusuujupput sillakullaat, qungasia takisuujulluni. Nerlerup nerlernit allanit allaanerussutigaa siggummi mannguatigut qaqortortaqarami. Niui sigguilu sungaartoq aappaluartuupput.

Nerisai
Nerleq naasuinnarnik nerisaqarpoq, ivikkanik, naarlaanik, naasut naatsiiassaannik naasunillu allanik.

Paasissutissat
  • Uumaffii: Qaqqat
  • Sului siaarlutik: 130-165 cm
  • Takissusia: 70-76 cm
  • Oqimaassusia, angutiviaq: 2,1-2,5 kg
  • Oqimaassusia, arnaviaq: 1,9-2,2 kg
  • Sivisunerpaamik uumasinnaavoq: ukiut 25
  • Manniisa amerlassusaat: 5-6
  • Manniliortarpoq: ukiumut ataasiarluni
  • Ivasarpoq: ullut 27-28
  • Piarai piaraasarput: ullut 40-43
Nalunngiliuk?
Kalaallit Nunaata nerleri issittumut killeqarfiinnaani piaqqisarput. Ukiakkut sermersuaq qarsullugu kujammut aallarartarput Island Atlantikulu qulaallugit Irlandimut ukiiartorlutik.
Blisgås - Anser albifrons - White-fronted Goose