Qallunaatut atia: Gråsisken
Latiinerisut atia: Carduelis flammea
Tuluttut atia: Common Redpoll
Sorlernut ilaava: Timmissat
Timmiaqatai: Timmiaaqqat
Ilaqutai: Finkekkut

Orpimmiutaq Kalaallit Nunaata kitaani avannamut Qimusseriarsuaq tikillugu aammalu Tunup kujasissuaniit avannamut Ittoqqortoormiit tikillugit nalinginnaasumik erniortuuvoq. Aallartartuuvoq, Kalaallit Nunaanni takussaasarluni apriilimiit septembarimut. Ilaalli Kalaallit Nunaata kujataani ukiisarput.

Ilisarnaatai
Orpimmiutaq kajortunik imaluunniit qaserujuttunik meqqoqarpoq taartunik titarniisalinnik, niaqqumi qaavani siusissukkut aappaluttumik milaqarpoq, naatsumik sungaartumik siggoqarluni. Ilisarnaatigai aamma tallumigut qernertumik milaqarami, sului qaqortortaqarlutik. Angutivissat inersimasut sakiaat aappaluttuupput.

Nerisai
Nerisaraat sullerngit aamma naasussat naasukujuillu, orpiit ivikkallu ilamerngi.

Gråsisken - Carduelis flammea - Common Redpoll
Paasissutissat
  • Uumaffii: Qaqqat
  • Sului siaarlutik: 20-25 cm
  • Takissusia: 13-14 cm
  • Oqimaassusia: 11-18 g
  • Manniisa amerlassusaat: 4-6
  • Manniliortarpoq: ukiumut 1-2-riarluni
  • Ivasarpoq: ullut 10-12
  • Piarai piaraasarput: ullut 9-14
Nalunngiliuk?
Orpimmiutaq pingaartumik erniortarpoq qaqqani orpigalinni avaalaqialinnilu. Arnaviaq orpikkani nunamiit qangatalaartuni ulluliortarpoq, ulluni oqorsaasersortarlugit naasut ilaannik meqqukujunnillu. Arnavissap mannini tukertittarpai.