Qallunaatut atia: Hvidsisken
Latiinerisut atia: Carduelis hornemanni
Tuluttut atia: Arctic Redpoll
Sorlernut ilaava: Timmissat
Timmiaqatai: Timmiaaqqat
Ilaqutai: Finkerit

Orpimmiutaq issittup avannaarsuani timmiaavoq, Kalaallit Nunaata avannaani Kitaatalu avannaani piaqqisarluni. Ukiukkulli Kujataanut ukiiartortarpoq. Kalaallit Nunaanni nalinginnaavoq, nunap timaani orpigalinni avaalaqialinnilu uumasuulluni.

Ilisarnaatai
Eqqui qaallorissuupput sului qaqortortaqarlutik. Sakiai aappaluartuupput. Orpimmiutatulli niaqqumi qaavani aappaluttumik milaqarpoq tallumigut qernertortaqarluni. Meqqui orpimmiutap meqquiniit qaamanerupput.

Nerisai
Nerisarai sullerngit, qullugissat aasiaallu aamma naasut ivikkallu naatsiiassaat.

Hvidsisken - Carduelis hornemanni - Arctic Redpoll
Paasissutissat
  • Uumaffii: Qaqqat
  • Sului siaarlutik: 20-25 cm
  • Takissusia: 13,5-16 cm
  • Oqimaassusia: 11-18 gr
  • Manniisa amerlassusaat: 4-6
  • Manniliortarpoq: ukiumut 1-2-riarluni
  • Ivasarpoq: ullut 11-12 miss.
  • Piarai piaraasarput: ullut 11-12
Nalunngiliuk?
Orpimmiutaq avannarliup isikkumigut inooriaatsimigullu assigaa orpimmiutaq, kujasinnerusumi erniortartoq. Sumiiffinni ataasiakkaani assigiinngitsut taakku marluk assigiimmik piaqqiorfeqartaramik imminnut kattussinnaasarput.