Qallunaatut atia: Sjagger
Latiinerisut atia: Turdus pilaris
Tuluttut atia: Fieldfare
Sorlernut ilaava: Timmissat
Timmiaqatai: Timmiaaqqat
Ilaqutai: Kussattakkut

Orpimmiutarsuaq Kalaallit Nunaanni qaqutigut piaqqiortarpoq. Nalitsinni Kalaallit Nunaata kujataani Narsap eqqaani aappariit marlussuinnaat piaqqiortarput. Tamatuma akerlianik orpimmiutarsuit angalaaqattaartut Kalaallit Nunaanni siumugassaapput, pingaartumik ukiukkut Tunu sinerlugu. Kalaallit Nunaanni piaqqiortartut uninngaartuupput.

Ilisarnaatai
Orpimmiutarsuaq kussattarujussuuvoq, assigiinngitsunik qalipaatilinnik meqqulik, sului aappaluartut kajortuupput, niaqua qasertuulluni eqquisa qaavi qasertuullutik papiilu qernertuullutik. Saava qaamasuuvoq qernertunik milalik. Suluisa ataat qaqortuupput.

Nerisai
Orpimmiutarsuit nerisaraat paarnat, qullugissat, siuteqqut, sullerngit qullugissallu.

Sjagger - Turdus pilaris - Fieldfare
Paasissutissat
  • Uumaffii: Qaqqat
  • Sului siaarlutik: 39-42 cm
  • Takissusia: 26 cm miss.
  • Oqimaassusia: 80-140 g
  • Sivisunerpaamik uumasarpoq: ukiut 18
  • Manniisa amerlassusaat: 4-6
  • Manniliortarpoq: ukiumut ataasiarluni
  • Ivasarpoq: ullut 13-14
  • Piarai piaraasarput: ullut 14 miss.
Nalunngiliuk?
1937-mi orpimmiutarpassuit anorersuarmit tingitaallutik Kalaallit Nunaannut tikiupput. Aallaqqinngillat ukiunilu arlalinni Kujataani orpikkani avaalaqiakuluunilu piaqqiortalerlutik. Nalitsinnili taakku taamanernitsat issi ukiumilu apisarnerujussua pissutigalugit nungoreerput.