Qallunaatut atia: Toppet skallesluger
Latiinerisut atia: Mergus serrator
Tuluttut atia: Red-breasted Merganser
Sorlernut ilaava: Timmissat
Timmiaqatai: Qeerlutuukkut
Ilaqutai: Qussuit, nerlerit qeerlutuullu

Paaq Kalaallit Nunaata kitaani avannamut Qimusseriarsuaq tikillugu Tunumilu avannamut Ammassalik Illoqqortoormiullu tikillugit nalinginnaasumik piaqqiortarpoq. Tasersuit sinaanni, sinerissami qeqertani sinerissamilu ikkattumik imartalinni piaqqiortarput.

Ilisarnaatai
Piaqqinermini angutivissap niaqua qernertoq qorsorpaluttuusarpoq, isai aappaluttuullutik, sakiai kajortut allallit, qungasia saavalu qaqortut, aammalu tunua qernertoq allaqarluni. Arnavissap niaqua kajortuuvoq timaa qasertuulluni. Arnavissat angutivissallu tamarmik pukutsimikkut tikkungasunik meqqoqarput, sului qaqortortaqarlutik takisuumillu amitsumik siggoqarlutik.

Nerisai
Nerisarai aalisagaaqqat peqquaqqallu, allorluni piniartakkani.

Toppet skallesluger - Mergus serrator - Red-breasted Merganser
Paasissutissat
  • Uumaffii: Sineriak imarlu
  • Sului siaarlutik: 70-86 cm
  • Takissusia: 52-58 cm
  • Oqimaassusia (angutiviaq) 600-800 g
  • Oqimaassusia (arnaviaq) 500-650 g
  • Sivisunerpaamik uumasarpoq: ukiut 21
  • Manniisa amerlassusaat: 7-9
  • Manniliortarpoq: ukiumut ataasiarluni
  • Ivasarpoq: ullut 26-28
  • Piarai piaraasarput: ullut 56 miss.
Nalunngiliuk?
Paat Kalaallit Nunaata kitaaniittut Kitaata avataani sikuneq ajortuni ukiisarput, Tunumiittut Kalaallit Nunaat ukiukkut qimallugu Islandimut Tuluillu Qeqertaannukartarlutik.