Qallunaatut atia: Lille kjove
Latiinerisut atia: Stercorarius longicaudus
Tuluttut atia: Long-tailed Skua; Long-tailed Jaeger
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Isunngakkut

Papikkaaq issittup avannaarsuarmiuuvoq, piaqqiortarluni Tunup avannaani Kitaatalu avannaani qaqqani paarnaqutaannalinni nunallu timaani masarsuttalinni. Disko Bugtimi ikittunnguullutik aamma erniortarput. Aallartartuuvoq, maajimiit oktobarimut Kalaallit Nunaanniittarluni.

Ilisarnaatai
Papikkaaq ilisarineqarsinnaavoq papimmigut takisoorujussuartigut qiterliit amitsuusut. Tunua qasertoq kajuartuuvoq aqajaa qaamanerulluni, qungasia qaqortuulluni, sakiai qaqortuullutik, qernertumik taartumilluunniit nasaasaqarluni.

Nerisai
Piaqqinermi nalaani avinngartortarpoq (Tunup avannaani), aamma nerisarlugit paarnat, sullerngit, manniit timmissallu piaraat.

Lille kjove - Stercorarius longicaudus - Long-tailed Skua; Long-tailed Jaeger
Paasissutissat
  • Uumaffii: Sineriak imarlu
  • Sului siaarlutik: 92-110 cm
  • Takissusia: 40-58 cm
  • Oqimaassusia: 200-450 g
  • Sivisunerpaamik uumasarpoq: ukiut 11
  • Manniisa amerlassusaat: amerlanertigut 2
  • Piaqqisarpoq: ukiumut ataasiarluni
  • Ivasarpoq: ullut 23-25
  • Piarai piaraasarput: ullut 24-26
Nalunngiliuk?
Piaqqiornermi avataani imaannarmi sikuneq ajortumiittarpoq timmissat allat nerisaannik isunngatulli arsaartarlugit. Piaqqiornermi avataani nerisarineruai aalisakkat peqquillu.