Qallunaatut atia: Islandsk ryle
Latiinerisut atia: Calidris canutus
Tuluttut atia: Red Knot
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Saarfaarsukkut

Qajorlak Kalaallit Nunaata avannaani Tunullu avannaani kujammut Ittoqqortoormiit tikillugit piaqqiortarpoq. Kalaallit Nunaata annersaani upernaakkut ukiakkullu tikiusimasarpoq, annerusumilli Disko Bugtip Ammassallullu avannaanni.

Ilisarnaatai
Qajorlak piaqqinermini saava aappaluttoq kajuartuusarpoq, tunua qasertoq qernaluttuulluni aappaluttunik kajortunik milaqarluni. Ukiukkut assigiimmik qaserujuttuusarpoq saava qaqortuulluni. Qajorlak Kalaallit Nunaanni saarfaarsuit annersaraat.

Nerisai
Nerisarai naasukujuit sullerngillu. Ingerlaarnermini aamma nerisarpai uumasut qituttut, qullugissat peqquillu.

Islandsk ryle - Calidris canutus - Red Knot
Paasissutissat
  • Uumaffii: Sineriak imarlu
  • Sului siaarlutik: 47-56 cm
  • Takissusia: 23-27 cm
  • Oqimaassusia: 100-215 g
  • Sivisunerpaamik uumasarpoq: ukiut 26
  • Manniisa amerlassusaat: 4
  • Manniliortarpoq: ukiumut ataasiarluni
  • Ivasarpoq: ullut 21-24
  • Piarai piaraasarput: ullut 18-20
Nalunngiliuk?
Qajorlak sinerissami qaqqani paarnaqutilinni panertuni avaalaqialinniluunniit piaqqisarpoq. Maaji-aggustimi piaqqereeraangami Europap avannaata kitaanut ukiiartortarpoq.