Qallunaatut atia: Storskråpe
Latiinerisut atia: Puffinus gravis
Tuluttut atia: Great Shearwater
Sorlernut ilaava: Timmissat
Timmiaqatai: Qaqulluit
Ilaqutai: Qaqulluit

Qaqullunnaat juuli-septembarimi Kalaallit Nunaanni tikiusimasarput. Kalaallit Nunaata kitaani avannamut Disko Bugt tikillugu Tunumilu avannamut Ammassalik tikillugu imaannarmi ikkannersuarniluunniit sinerissamut qanittuni takussaasarpoq.

Ilisarnaatai
Qaqullunnaap qaava kajortoq taartuuvoq saava qaqortuulluni kajornersalik. Niaquata qaava qernertuuvoq, qungasia qaqortortaqarluni, takkajaamik amitsumik siggoqarluni. Timmisarpoq suluni siaarlugit qerattarlugit.

Nerisai
Nerisarai aalisakkat, amikut, peqquit aalisakkallu perlukui, tigusakkani immap qaavani sivikitsumilluunniit allorluni.

Paasissutissat
  • Uumaffii: Sineriak imarlu
  • Sului siaarlutik: 105-122 cm
  • Takissusia: 46-51 cm
  • Manniisa amerlassusaat: 1
Nalunngiliuk?
Qaqullunnaq piaqqereeraangami Amerikap kangimut sineriaa sinerlugu avannamukartarpoq, tassangaanniillu imaq qulaallugu Kalaallit Nunaannukartarluni. Tassangaanniit kangimukartarpoq Tuluit Nunaat Irlandilu aqqusaarlugit. Taavalu Atlantikup kujasissuani qeqertanut piaqqiffissaminnukartarluni.
Storskråpe - Puffinus gravis - Great Shearwater