Qallunaatut atia: Rødstrubet lom
Latiinerisut atia: Gavia stellata
Tuluttut atia: Red-throated Diver; Red-throated Loon
Sorlernut ilaava: Timmissat
Timmiaqatai: Qarsaakkut
Ilaqutai: Qarsaakkut

Qarsaaq Kalaallit Nunaanni tamarmi piaqqiortuuvoq, sumiiffippassuarni nalinginnaasuulluni. Tasinnguit tatsillu sinaanni piaqqisarpoq, nerisassarsiorlunili sinerissamut tatsinulluunniit annerusunukartariaqartarluni. Europap kitaata avannarpasissuini sinerissani ukiisarpoq, taamaallaat Kalaallit Nunaanniittarluni maajimiit novembarimut. Tunua ukiukkut qasertuusarpoq, naavi torlualu qaqortuullutik.

Ilisarnaatai
Qarsaap torluata meqqui piaqqinerata nalaani aappalullutik kajuartarput, niaqua qaserluni kiisalu qungasiata tunua qernertunik qaqortunillu ammukaartoqarluni. Tunua taartuuvoq, saavalu qaamasuulluni. Ukiukkut qarsaap tunua qasertuusarpoq, saavalu torlualu qaqortuullutik.

Nerisai
Nerisarineruai aalisakkat, aammali nerisarlugit peqquit, uillut, siuteqqut qullugissallu. Qarsaaq allorluni nerisassarsiortarpoq.

Rødstrubet Lom - Gavia stellata - Red-throated Diver; Red-throated Loon
Paasissutissat
  • Uumaffii: Sineriak imarlu
  • Sului siaarlutik: 100-120 cm
  • Takissusia: 50-69 cm
  • Oqimaassusia (angutiviaq): 1750 g miss.
  • Oqimaassusia (arnaviaq): 1550 g miss.
  • Sivisunerpaamik uumasarpoq: ukiut 23
  • Manniisa amerlassusaat: 2
  • Manniliortarpoq: ukiumut ataasiarluni
  • Ivasarpoq: ullut 26-28
  • Piarai piaraasarput: ullut 43
Nalunngiliuk?
Qarsaaq nalukkaangami sigguni qummukanneq sammitittarpai. Siggui qummut najungalaannguarput amitsut inngigissuullutik. Nallorissussatut pinngortitaasimasoq nalunanngilaq. Nunakkut pitsorluttuuvoq, nissuni timimini tunorpasissuummata.