Qallunaatut atia: Pibeand
Latiinerisut atia: Anas Penelope
Tuluttut atia: Eurasian Wigeon
Sorlernut ilaava: Timmissat
Timmiaqatai: Qeerlutuukkut
Ilaqutai: Qussuit, nerlerit qeerlutuullu

Qeerlutoornarnaq Kalaallit Nunaanni qaqutigoortuuvoq. Upernaakkut ukiakkullu taamaallaat aqqusaartarpoq, tatsini, kangerliumanerni immalluunniit sineriaa sinerlugu takussaasarluni.

Ilisarnaatai
Angutivissap piaqqinerminni niaqua qungasialu aappaluttoq kajuartuusarput, qaamigut qaqortoq sungarpaluttumik milaqarluni sulummigullu qaqortortaqarluni. Angutivissap tunua qasertuuvoq sakiai qasertoq aappaluartuullutik. Arnaviaq kajortuuvoq naavi qaqortuullutik. Siggui qasertoq tungujuartuupput nuui qernertuullutik, sului qernertortaqanngikkunik qorsorpaluttortaqarput.

Nerisai
Nerisarai naasut imermiut, ivigakujuit naasullu sorlaat, immap qaavani ikkattumiluunniit naqqani nassaarisakkani.

Pibeand - Anas penelope - Eurasian wigeon
Paasissutissat
  • Uumaffii: Sineriak imarlu
  • Sului siaarlutik: 75-86 cm
  • Takissusia: 46 cm miss.
  • Oqimaassusia: 500-900 g
  • Sivisunerpaamik uumasarpoq: ukiut 34
  • Manniisa amerlassusaat: 8-9
  • Manniliortarpoq: ukiumut ataasiarluni
  • Ivasarpoq: ullut 24-25
  • Piarai piaraasarput: ullut 40-45
Nalunngiliuk?
Qeerlutoornarnap qallunaatut taaguutigaa pibeand - immikkukajaaq ittumik siggartartutut ittumik qarlortarnini pissutigalugu. Qeerlutooqatiminnit allaniit nipitunerusumik qarlortarput.