Qallunaatut atia: Lunde; Søpapegøje
Latiinerisut atia: Fratercula arctica
Tuluttut atia: Atlantic Puffin
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Appakkut

Qilanngaq appakkut ilagaat Kalaallit Nunaata kitaani Illoqqortoormiullu eqqaanni piaqqiorfimminni piaqqisartoq. Appakkutut allatulli qilanngaq sukkasoorujussuarmik isaqqilalluni timmisarpoq, angissutsiminut naleqqiullugu timini oqimaatsoq sulumminik naatsunik qangattaassinnaassagamiuk.

Ilisarnaatai
Qilanngap ilisarnaatigai sigguni portusooq pingasunik teqeqquusalik, sungaartunik aammalu qasertunik tungujorujuttunik qalipaatilik, uluanilu saneraa qaqortut. Tunua qungasialu kaajallallugu qernertuuvoq, saava sakiaalu qaqortuullutik. Isigai sungarpaluttuupput. Ukiuunerani niaquata sanerai taartuupput sigguilu qalipaatigissaannginnerullutik.

Nerisai
Nerisarai aalisakkat peqquillu, allorluni piniartakkani.

Paasissutissat
  • Uumaffii: Sineriak imarlu
  • Sului siaarlutik: 47-63 cm
  • Takissusia: 30-31 cm
  • Oqimaassusia: 320-550 g
  • Sivisunerpaamik uumasarpoq: ukiut 33
  • Manniisa amerlassusaat: 1
  • Ukiumut manniliortarpoq: ataasiarluni
  • Ivasarpoq: ullut 39-43
  • Piarai piaraasarput: ullut 38-44
Nalunngiliuk?
Qilanngaq ukiumut ataasiinnarmik mannilisarpoq. Piaqqiortarput sinerissap avataani qeqertaaqqani imaluunniit innani qutaarluusuni, manniliortarluni qaarsut quppaanni imaluunniit mannini issumi ivigalimmi assaattarlugu. Piaqqiunngikkaangamik imaani avasiinnarsuarmiittarput, ilimagineqarluni Kalaallit Nunaata qilanngai New Foundlandip avataani imaannarmiittartut.
Lunde (Søpapegøje) - Fratercula arctica - Atlantic Puffin