Qallunaatut atia: Snespurv
Latiinerisut atia: Plectrophenax nivalis
Tuluttut atia: Snow Bunting
Sorlernut ilaava: Timmissat
Timmiaqatai: Timmiaaqqat
Ilaqutai: Narsarmiutakkut

Qupaloraarsuit Kalaallit Nunaanni timmissat nalinginnaanersaralugillu siamasinnersaraat. Sumi tamaaniittarput, qaarsortalinni inuilluunniit najugaasa eqqaanni piaqqiortarlutik. Septembari-oktobarimi Amerika Avannarlermut Ruslandimulluunniiit aallartarput, ikittunnguit Kalaallit Nunaata kujataani ukiisarlutik.

Ilisarnaatai
Angutiviaq piaqqinermi nalaanni qaqortuinnaasarpoq tunua qernertortaqarluni, arnavissalli tunua qasertuusarpoq kajortunik taartunik milaqarluni, saava qaqortuulluni. Ukiukkut tamarmik qasertoq kajuartuusarput tunui allaqarlutik, saavi qaamasuullutik, niaqua sakiaalu kajuartuullutik.

Nerisai
Nerisaraat naasussat naasukujuillu assigiinngitsut. Piaqqinermik nalaanni aamma sullinertortarput.

Snespurv - Plectrophenax nivalis - Snow buntling
Paasissutissat
  • Uumaffii: Qaqqat
  • Sului siaarlutik: 32-38 cm
  • Takissusia: 16-19 cm
  • Oqimaassusia: 26-43 g
  • Sivisunerpaamik uumasarpoq: ukiut 9
  • Manniisa amerlassusaat: 4-6
  • Manniliortarpoq: ukiumut 1-2-riarluni
  • Ivasarpoq: ullut 10-13
  • Piarai piaraasarput: ullut 10-12
Nalunngiliuk?
Qupaloraarsuit marsi-apriilimi piaqqiartorlutik Kalaallit Nunaannut tikittarput. Angutivissalli arnavissaniit siulliungaatsiarlutik tikittarput, sumiiffigisartagassaminnik ujarleriartorlutik. Amerlanngitsukkuutaarlutik nerisassarsiortarput. Ingerlaarnerminni ukiukkullu ilaanni 100-kkaarlutik ataatsimoortarput.