Qallunaatut atia: Bjerglærke
Latiinerisut atia: Eremophila alpestris
Tuluttut atia: Shore Lark
Sorlernut ilaava: Timmissat
Timmiaqatai: Timmiaaqqat
Ilaqutai: Qutsissormiutat qitivittartut

Qutsissormiutaq Kalaallit Nunaanni qaqutigoortuuvoq. Kalaallit Nunaata kitaani maaji-oktobarimi taamaallaat tikiusimasarpoq. Qaqqalimmiuuvoq ujaralinni, narsartani paarnaqutaannalinnilu panertuni naasoqanngingajattuni.

Ilisarnaatai
Tunua kajortuuvoq taartunik titarniisaqarluni, saava qaqortuulluni sakissamigut qernertumik titarniisaqarluni. Kiinaa sungaartunik qernertunillu milaqarpoq. Arnaviaq qalipaatigissaannginneruvoq sakissamigullu milaa angutivissap milaaniit aminnerulluni.

Nerisai
Nerisarineruai sullerngit uumasuaqqallu allat. Ukiukkut naasussanik aamma nerisarpoq.

Paasissutissat
  • Uumaffii: Qaqqat
  • Sului siaarlutik: 30-35 cm
  • Takissusia: 16-20 cm
  • Oqimaassusia: 33-45 gr
  • Manniisa amerlassusaat: 4
  • Manniliortarpoq: ukiumut 1-2-riarluni
  • Ivasarpoq: ullut 10-14
  • Piarai piaraasarput: ullut 12
Nalunngiliuk?
Qutsissormiutaq qaani sanimut naallugu qernertumik milaqarpoq, illuttut isumigut nassuusaaranngualimmik. Arnavissalli nassuusaarai angutivissat nassuusaaraattut ersaritsiginngillat.
Bjerglærke - Eremophila alpestris - Shore Lark