Qallunaatut atia: Almindelig ryle
Latiinerisut atia: Calidris alpina
Tuluttut atia: Dunlin
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Saarfaarsukkut

Kalaallit Nunaanni saarfaarsukkut nalinginnaasut pingasuupput. Issittormiut Tunup avannaani piaqqiortarput, qajorlaat Tunup kujataaniittarput, Kitaaniittarlutik Amerikameersut. Saarfaarsorlaat sinerissamiittarput, masarsulinni tasinnguillu eqqaanni piaqqisarlutik. Maajimiit aggustimut Kalaallit Nunaanniittarput.

Ilisarnaatai
Saarfaarsorlak timmiaavoq mikisunnguaq naatsumik qungasilik, qernertumik ammut najungaartumik takisuumik siggulik. Tunua qasertoq kajuartuuvoq saava qaqortuulluni. Piaqqinermi nalaani naavi taarnerusarput, tunua kajortoq qernaluttuulluni, sakiaalu qernertortaqarlutik.

Nerisai
Nerisarai sullerngit uumasuaqqallu allat, soorlu peqquit, qullugissat siuteqqullu.

Almindelig ryle - Calidris alpina - Dunlin
Paasissutissat
  • Uumaffii: Sineriak imarlu
  • Sului siaarlutik: 32-40 cm
  • Takissusia: 17-21 cm
  • Oqimaassusia: 35-50 g
  • Sivisunerpaamik uumasarpoq: ukiut 28
  • Manniisa amerlassusaat: 4
  • Manniliortarpoq: ukiumut ataasiarluni
  • Ivasarpoq: ullut 21-22
  • Piarai piaraasarput: ullut 19-21
Nalunngiliuk?
Saarfaarsorlak nerisassarsiortarpoq masarsunni marullunnilu nalorarfissalinni, sigguni takisooq 1-2 cm-nik mangullugu sullerngit allallu uumasuaqqat pisarisarlugit.