Qallunaatut atia: Sortgrå ryle
Latiinerisut atia: Calidris maritima
Tuluttut atia: Purple Sandpiper
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Saarfaarsukkut

Saarfaarsuk Kalaallit Nunaata kitaani avannamut Qaanaaq tikillugu piaqqiortuuvoq. Tunumi avannamut Germania Land tikillugu aamma piaqqiortarpoq, ikinnerullutilli. Piaqqinermik nalaani saarfaarsuit qaqqani paarnaqutaannalinni isugutasuni sinerissallu eqqaani masarsunni qeriuaannartuniittarput.

Ilisarnaatai
Siggoqarpoq ammut najungaalaartumik, sungarpaluttunik naatsunik nioqarluni. Aasakkut tunua qernaluttoq qasertuuvoq aappalungusersunik sungarpaluttunik, kajungajattunik milaqarluni. Saava kajortunik milaqarpoq. Saarfaarsuk ukiukkut qernertoq qasertuuvoq naavi qaamanerullutik.

Nerisai
Nerisarai naasut naatsiiassartaat paarnallu, aamma uumasuaqqat, soorlu sullerngit, siuteqqut, qullugissat peqquillu. Ulittarnerup tinittarnerullu killinganni nerisassarsiortarpoq.

Sortgrå ryle - Calidris maritima - Purple Sandpiper
Paasissutissat
  • Uumaffii: Sineriak imarlu
  • Sului siaarlutik: 37-46 cm
  • Takissusia: 19-24 cm
  • Oqimaassusia: 60-105 g
  • Sivisunerpaamik uumasarpoq: ukiut 20
  • Manniisa amerlassusaat: 4 miss.
  • Manniliortarpoq: ukiumut ataasiarluni
  • Ivasarpoq: ullut 21-22
  • Piarai piaraasarput: ullut 28
Nalunngiliuk?
Ukiukkut saarfaarsuk sinerissami qaarsuusumiittarpoq. Kalaallit Nunaata kitaata avataani sikuneq ajortuniittarpoq aammali Islandimi imaluunniit Tuluit Qeqertaanniittarluni. Saarfaarsukkunni kisiartaalluni Kalaallit Nunaanni ukiisarpoq.