Qallunaatut atia: Bairdsryle
Latiinerisut atia: Calidris bairdii
Tuluttut atia: Baird's Sandpiper
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Saarfaarsukkut

Saarfaarsunnaat ikittunnguusut issittuni uumasuupput, Kalaallit Nunaata avannaaniinnangajak. Piaqqisarput Qimusseriarsuarmiit Qaanaap eqqaanut. Imaassinnaavoq Kalaallit Nunaata avannaani kangisissumi aamma piaqqisartut.

Ilisarnaatai
Meqqui kajortumiit kajortoq sungarpaluttuupput sakiai taartunik titarniisaqarlutik, sanerai naavilu qaqortuullutik. Tunua taarneruvoq, meqquisalu sinai qaamasuullutik. Saarfaarsunnaq saarfaarsuuvoq naatsunik niulik, naatsumik siggulik, takisuunik sululik isimilu qulaatigut qaamanerusumik titarniisalik.

Nerisai
Nerisarai sullerngit mikisut sullerngillu qullugiaat, marulluusuni immalluunniit sinaani siggumminik pisarisakkani.

Bairdsryle - Calidris bairdii - Baird's Sandpiper
Paasissutissat
  • Uumaffii: Sineriak imarlu
  • Sului siaarlutik: 35-38 cm
  • Takissusia: 14-20 cm
  • Oqimaassusia: 27-65 gr
  • Sivisunerpaamik uumasarpoq: ukiut?
  • Manniisa amerlassusaat: 4
  • Manniliortarpoq: ukiumut ataasiarluni
  • Ivasarpoq: ullut 19-21 miss.
Nalunngiliuk?
Saarfaarsunnaq timmiaavoq aallartartoq Kalaallit Nunaata avannaani manniliorfissaminut tikiuttarluni maajimi, oktobarimilu aallaqqittarluni. Taava Amerika Kujallermukartarpoq ukiiartorluni.