Qallunaatut atia: Småspove; Lille regnspove
Latiinerisut atia: Numenius phaeopus
Tuluttut atia: Whimbrel
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Saarfaarsukkut

Saarfaarsussuaq Tunumi Jameson Landimi taamaallaat piaqqiortuuvoq, piaqqiorfigisarlugit narsaamanerit naggorissut avaalaqiallit, masarsuit qeriuaannartut, qaqqani narsartat paarnaqutaannallit sineriallu ikkattumik imartalik. Maaji-aggustimi Kalaallit Nunaata kujataanut aqqusaartarpoq.

Ilisarnaatai
Saarfaarsussuaq Kalaallit Nunaanni naloraarusillit annersaraat. Takisuumik ammut najungaartumik siggoqarpoq. Kajuartuuvoq taartunik milaqarluni, naavi isaasalu qulaanni qallui qaamanersaqarlutik, isaasa sinaat taartuullutik. Kassera kajortoq taartuuvoq amitsumik qaqungajattumik titarniisaqarluni.

Nerisai
Nerisarai sullerngit, qullugissat, assagiarsuit, paarnat naasullu ilamerngi.

Lille regnspove (Småspove) - Numenius phaeopus - Whimbrel
Paasissutissat
  • Uumaffii: Sineriak imarlu
  • Sului siaarlutik: 71-88 cm
  • Takissusia: 37-45 cm
  • Oqimaassusia (angutiviaq) 280-380 g
  • Oqimaassusia (arnaviaq) 400-450 g
  • Sivisunerpaamik uumaqarpoq: ukiut 16
  • Manniisa amerlassusaat: 4
  • Manniliortarpoq: ukiumut ataasiarluni
  • Ivasarpoq: ullut 20-28
  • Piarai piaraasarput: ullut 30-32
Nalunngiliuk?
Saarfaarsussuit assigiinngitsut marluk Kalaallit Nunaanniittarput. Aappaa Amerika Avannarlermeersoq, aappaa Europameersoq. Amerika Avannarlermeersup tunua kajortuuvoq, Europameersup tunua qaqortuulluni.