Qallunaatut atia: Tejst
Latiinerisut atia: Cepphus grylle
Tuluttut atia: Black Guillemot
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Appakkut

Serfaq Kalaallit Nunaanni nalinginnaasumik piaqqiortuuvoq. Kalaallit Nunaanni tamangajammi sinerissami qaarsuusuni sikuneq ajortuni, sinerissami qeqertani qeqertaaqqaniluunniit amerlanngitsukkuutaarlutik piaqqiortarput.

Ilisarnaatai
Piaqqinermi nalaani serfaq qernertuinnaasarpoq sulummigut qaqortortaqarluni, suluisa ataat qaqortuullutik. Ukiukkut qaqornerusarpoq saava, niaqualu qaqortoq qaserujuttuullutik tunua qernertoq qaqortunik titarniisaqarluni. Suluisa qaqortortaat aamma ukiukkut ersittarput. Siggui inngigissut qernertuupput, niui aappaluttuullutik.

Nerisai
Serfat annerusumik nerisaraat aalisakkat, peqquit, qullugissat qituttullillu, imaani immalluunniit naqqani nassaani. Nallorissuuvoq, nerisassarsiorlunilu 8 meterit sinnerlugit allorsinnaalluni.

Tejst - Cepphus grylle - Black guillemot
Paasissutissat
  • Uumaffii: Sineriak imarlu
  • Sului siaarlutik: 49-58 cm
  • Takissusia: 30-38 cm
  • Oqimaassusia: 340-490 g
  • Sivisunerpaamik uumasarpoq: ukiut 28
  • Manniisa amerlassusaat: 1
  • Manniliortarpoq: ukiumut ataasiarluni
  • Ivasarpoq: ullut 21-24
  • Piarai piaraasarput: ullut 35
Nalunngiliuk?
Serfaq aallartartuunngilaq, serfalli avannarlerpaaniittut sikuneq ajortunukartariaqartarput imaluunniit sikut quppaannukartariaqartarlutik. Serfat ukiukkut avataani sikuneq ajortuniittarput imaluunniit sikut saatsersut imartaanniittarlutik.