Qallunaatut atia: Dobbeltbekkasin
Latiinerisut atia: Gallinago gallinago
Tuluttut atia: Common Snipe
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Saarfaarsukkut

Sigguttooq Kalaallit Nunaanni uumasuuvoq tatsit kuuillu sinaanni ivigalinni isugutasuni; nunap timaani qaqutiguinnaq siumugassaavoq, Tunulli avannaata kujasissuani ilaanneeriarluni siumugassaalluni.

Ilisarnaatai
Sigguttooq naloraarusiliuvoq takisuumik narlusuumik siggulik, takisuunik isigalik. Meqqui kajuartuupput tunua niaqualu kajortunik sungarpaluttunik allaqarluni. Sakiai saneraalu kajortunik taartunik allaqarput.

Nerisai
Nerisarai qullugissat, sullerngit, siuteqqut peqquillu.

Dobbeltbekkasin - Gallinago gallinago - Common snipe
Paasissutissat
  • Uumaffii: Sineriak imarlu
  • Sului siaarlutik: 37-47 cm
  • Takissusia: 27 cm
  • Oqimaassusia: 80-120 gr
  • Sivisunerpaamik uumasarpoq: ukiut 16
  • Manniisa amerlassusaat: 4
  • Manniliortarpoq: ukiumut ataasiarluni
  • Ivasarpoq: ullut 18-20
  • Piarai piaraasarput: ullut 19-20
Nalunngiliuk?
Nuliulluni timminermini sigguttooq ima sukkatigisumik aarsaartarpoq, papiisa meqqui avalliit issulittarlutik. Issulinneri nipaqartarput ungasissumi tumerparpaarpalunnertut.