Qallunaatut atia: Sandløber
Latiinerisut atia: Calidris alba
Tuluttut atia: Sanderling
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Saarfaarsukkut

Siorarsiooq issittormiuuvoq, Kalaallit Nunaata avannaani Tunup avannaanilu piaqqiortartoq qaqqani paarnaqutaannalinni panertuni imaluunniit tatsit eqqaanni. Takuneqarsinnaasarporli aamma maaji-juuni aamma juuli-aggustimi Afrikap kitaaneerluni tassunngarluniluunniit Kalaallit Nunaata sinnerani sinerissami aqqusaartoq.

Ilisarnaatai
Piaqqinermi nalaani siorarsiooq sigguni kaajallallugu sungaartortaqarpoq aammalu tunua aappaluttoq kajuartuulluni taartunik milalik. Ukiukkut qaqortuuvoq, tunua qasertoq qaamasuulluni milalik, suluisa suluttaat qernertuullutik. Sului qaqortortaqarput, niui qernertuullutik, siggualu naatsoq narlusooq qernertuulluni.

Nerisai
Nerisarai uumasuaqqat assigiinngitsut, soorlu sullerngit, qullugissat, peqquit qituttullillu.

Sandløber - Calidris alba - Sanderling
Paasissutissat
  • Uumaffii: Qaqqat, Sineriak imarlu
  • Sului siaarlutik: 36-39 cm
  • Takissusia: 18-21 cm
  • Oqimaassusia: 45-85 g
  • Sivisunerpaamik uumasarpoq: ukiut 18
  • Manniisa amerlassusaat: 4
  • Manniliortarpoq: ukiumut 1-2-riarluni
  • Ivasarpoq: ullut 24-27
  • Piarai piaraasarput: ullut 23-24
Nalunngiliuk?
Siorarsiooq nerisassarsiortarpoq sissami qaartarnerit akornisigut uteqattaarluni arpaleraarluni. Mallit unerartitaat nerisarpai, aatsarluni sioqqaniittunik oqummiussisarluni.