Qallunaatut atia: Ride
Latiinerisut atia: Rissa tridactyla
Tuluttut atia: Black-legged Kittiwake; Kittiwake
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Naajat

Taateraat aallartartuupput marsimiit aggustimut Kalaallit Nunaanniittartut, sinerissami innani timmissat inaanni kangerlunnilu innani qutaarlunni amerlasoorsuakkuutaarlutik piaqqiortarlutik. Taateraat Kalaallit Nunaata kitaata avataani imartani aamma nalinginnaavoq.

Ilisarnaatai
Taateraaq qaqortuuvoq tunua qasertoq tungujuaartoq, suluisa nuui qernarissut, siggui sungaartut niuilu qernertut. Niaqua ukiukkut qasertuusarpoq. Taateraat piaraat tunumikkut qernertumik M-imik allaqarput pukusummikkut qernertortaqarlutik.

Nerisai
Nerisaraat aalisakkat, peqquit aalisakkallu sinnikui, immap qaani imaanulluunniit allupallallutik tigusakkatik.

Ride - Rissa tridactyla - Black-legged Kittiwake; Kittiwake
Paasissutissat
  • Uumaffii: Sineriak imarlu
  • Sului siaarlutik: 94-108 cm
  • Takissusia: 38-41 cm
  • Oqimaassusia: 300-525 g
  • Sivisunerpaamik uumasarpoq: ukiut 28
  • Manniisa amerlassusaat: 1-3, amerlanertigut 2
  • Manniliortarpoq: ukiumut ataasiarluni
  • Ivasarpoq: ullut 25-32
  • Piarai piaraasarput: ullut 33-54
Nalunngiliuk?
Taateraaq naajat Kalaallit Nunaanni nalinginnaanersaraat, aammalu silarsuarmi naajani amerlanersaallutik. Kalaallit Nunaanni sinerissap annersaani, pingaartumik Kitaani sinerissami piaqqisarpoq.