Qallunaatut atia: Sabinemåge
Latiinerisut atia: Xema sabini
Tuluttut atia: Sabine's Gull
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Naajakkut

Taateraarnaq Kalaallit Nunaata avannaani Tunullu avannaani juuni-septembarimi piaqqiortarpoq, aggusti-oktobarimilu Kitaata avataaniittarluni. Imeqqutaallat ilagalugit qeqertaaqqani, sinerissami pukkitsuni kangerlunnilu piaqqisarpoq.

Ilisarnaatai
Taateraarnaq qaqortuuvoq sulummi qaavisigut pingasunik teqeqquliisamik qaqortortaqarluni, taassuma sinaa qernertuulluni, qeqqa qaqortuulluni timaanut tulliuttoq tunuatulli qasertuulluni. Qernertumik siggoqarpoq sungaartumik nuulimmik, piaqqinermi nalaani qasertumik nasaasaqarpoq, qernertumik qungaserutaasalimmik.

Nerisai
Nerisarai aalisagaaqqat, peqquit sullerngillu, immap qaani pisarisakkani.

Sabinemåge - Xema sabini - Sabine's Gull
Paasissutissat
  • Uumaffii: Sineriak imarlu
  • Sului siaarlutik: 80-92 cm
  • Takissusia: 30-34 cm
  • Oqimaassusia: 150-210 g
  • Manniisa amerlassusaat: 2
  • Manniliortarpoq: ukiumut ataasiarluni
  • Ivasarpoq: ullut 23-25
Nalunngiliuk?
Timmissap qallunaatut Sabinemåge ateqaatigaa Edward Sabine, taassuma Kalaallit Nunaata kitaani 1818-imi ilisimasassarsiorami siullersaalluni allaatigigamiuk.