Qallunaatut atia: Stenvender
Latiinerisut atia: Arenaria interpres
Tuluttut atia: Ruddy Turnstone
Sorlernut ilaava: Timmissat
Timmiaqatai: Naajakkut naloraarusillit
Ilaqutai: Saarfaarsukkut

Taliffak Tunup avannaarsuani Kitaatalu avannaani nalinginnaasumik piaqqiortuuvoq. Kalaallit Nunaata kitaani Qeqertarsuarmi eqqaanilu aamma piaqqiortarpoq. Kalaallit Nunaanni piaqqiorfimminnut tikittarput maajimi, aggustimilu qimattarlugit. Europap avannaata kitaani ukiisarput.

Ilisarnaatai
Piaqqinermi nalaani aappaluttoq kajuartuusarpoq sakiai qernertut, naavi qaqortuullutik niaqualu qernertoq qaqortortaqarluni. Naatsunik qernertunik siggoqarpoq, naatsunik aappalungusersoq sungarpaluttunik nioqarluni.

Nerisai
Nerisarai kinguit, sullerngit, qituttullit, aalisakkat sinnikui silullu. Nerisassarsiortarpoq ujaqqat siggumminik illuartittarlugit.

Stenvender - Arenaria interpres - Turnstone
Paasissutissat
  • Uumaffii: Qaqqat, Sineriak imarlu
  • Sului siaarlutik: 43-54 cm
  • Takissusia: 21-25 cm
  • Oqimaassusia: 80-130 g
  • Sivisunerpaamik uumasarpoq: ukiut 21
  • Manniisa amerlassusaat: 4
  • Manniliortarpoq: ukiumut ataasiarluni
  • Ivasarpoq: ullut 22-24
  • Piarai piaraasarput: ullut 19-21
Nalunngiliuk?
Taliffak timmisoq ilisarineqarsinnaavoq meqquisa qaavi erseqqissumik qernertoq qaqortuugamik. Papeqarpoq qernertortalinnik, tunua qaallorissuulluni, sului qaqortortaqarlutik aammalu tunuata suluisalu akornanni amitsunnguanik qaqortortaqarluni.