Qallunaatut atia: Sule
Latiinerisut atia: Sula bassana
Tuluttut atia: Northern Gannet
Sorlernut ilaava: Timmissat
Timmiaqatai: Ungasorsuakkut
Ilaqutai: Timmiit

Timmiit ukiumoortumik juuni-septembarimut Kalaallit Nunaanniittarput. Nunap Isuata Nuullu akornanni imartaniikkajupput. Qeqertani sinerissamilu qaarsuusuni amerlasuukkuutaarlutik piaqqiortarput – Kalaallit Nunaannili naamik.

Ilisarnaatai
Timmiit assigiimmik qalipaatinikkiartoraangamik qaqornerulersarput suluisa nuui qernertuullutik, niaqui sungaartut. Takisuunik suloqarput, suluunnatut ilusilimmik amiliartortumik siggoqarput, inussamillu sisamaasut akornisigut ameqarlutik.

Nerisai
Aalisakkat, amikut peqquillu nerisatik 40 meterinik qutsitsigisumiit imaanut aarsaapiloorlutik pisarisarpaat. 22 meterit tikillugit allortarput neriniarlutik.

Paasissutissat
  • Uumaffii: Sineriak imarlu
  • Sului siaarlutik: 165-180 cm
  • Takissusia: 87-100 cm
  • Oqimaassusia: 2,8-3,2 kg
  • Sivisunerpaamik uumasarpoq: ukiut 37
  • Manniisa amerlassusaat: 1
  • Manniliortarpoq: ukiumut ataasiarluni
  • Ivasarpoq: ullut 44
  • Piarai piaraasarput: ullut 90
Nalunngiliuk?
Timmik piaraq inersimasunnguleraangami kajortoq qaamasuusarpoq qaqortunik toornilik. Piaqqat inersimasunngulersut qaqortunik meqqunikkiartortarput, aatsaallu ukiut 4-5 qaangiukkaangata assigiimmik qalipaateqalersarlutik.
 Sule - Sula bassana - Northern Gannet