Qallunaatut atia: Strømand
Latiinerisut atia: Histrionicus histrionicus
Tuluttut atia: Harlequin Duck; Harlequin
Sorlernut ilaava: Timmissat
Timmiaqatai: Qeerlutuukkut
Ilaqutai: Qussuit, nerlerit qeerlutuullu

Toornaviarsuit issittup kiannerusortaani timmiaapput, sarfalinni aalajuartunik imalimmioq. Piaqqiortarpoq Kalaallit Nunaata kitaani avannamut Upernaviup kujalii tikillugit Tunullu kujasissuani avannamut Ammassalik tikillugu ikittunnguakkuutaarlutik piaqqisarlutik. Maaji-juuli qaqqani kuuit kuulluartut eqqaanni piaqqisarpoq.

Ilisarnaatai
Angutiviaq qasertoq tungujuartuuvoq sanerai kajuartuullutik kiinaa timaalu qaqortunik qernertunillu allaqarluni. Arnaviaq qasertoq kajuartuuvoq kiinaata siornatungaa qaqornersaqarluni, siutaata tunua qaqortortaqarluni.

Nerisai
Nerisarai sullerngit, eqisaavat, uillut, aalisakkat suaat, peqquit, qullugissat siuteqqullu allorluni pisarisakkani.

Strømand - Histrionicus histrionicus - Harlequin Duck; Harlequin
Paasissutissat
  • Uumaffii: Qaqqat, Sineriak imarlu
  • Sului siaarlutik: 56-75 cm
  • Takissusia: 33-54 cm
  • Oqimaassusia: 500-750 g
  • Manniisa amerlassusaat: 3-9
  • Manniliortarpoq: ukiumut ataasiarluni
  • Ivasarpoq: ullut 27-29
  • Piarai piaraasarput: ullut 35-42
Nalunngiliuk?
Kalaallit Nunaata toornaviarsui ukiisarput Maniitsup kujataani Canadap nerleri peqatigalugit. Angutivissat piaqqallu inersimasunngulersut aamma ukiakkut Kitaani katersuuttarput meqqutik katakkiartorlugit (isajartorlutik).