Qallunaatut atia: Ravn
Latiinerisut atia: Corvus corax
Tuluttut atia: Common Raven
Sorlernut ilaava: Timmissat
Timmiaqatai: Timmiaaqqat
Ilaqutai: Tulugatsiaat

Tulugaq Kalaallit Nunaanni tamangajavimmi piaqqiortuuvoq, taamaallaat nunap avannarpiaani pinnani. Illoqarfinni illoqarfiillu eqqaanniikkajuppoq, innaaqqissuni salliarnartaniluunniit ulloqartarluni. Sumiiffimminnit nikerartorsuunngillat, ukiukkulli tamanut tamaanga uteqattaartarlutik.

Ilisarnaatai
Tulugaq tulugatsiaat ilagaat angisooq qernarissunik qillaalasunik meqqulik, siggorujussualik. Papii takkajaat qitermikkut takinersaqarput. Kalaallit Nunaanni tulugatsiaanit kisiartaavoq.

Nerisai
Tulukkat nerisarineruaat uumasut toqungasut ajoqutillilluunniit, tamani tamaani nassaatik. Nerisarpaat aamma manniit, timmissat piaraat, naasut naatsiiassartaat igitallu.

Ravn - Raven - Corvus corax
Paasissutissat
  • Uumaffii: Qaqqat
  • Sului siaarlutik: 120-150 cm
  • Takissusia: 64-70 cm
  • Oqimaassusia: 800-1500 gr
  • Sivisunerpaamik uumasarpoq: ukiut 21
  • Manniisa amerlassusaat: 4-6
  • Manniliortarpoq: ukiumut ataasiarluni
  • Ivasarpoq: ullut 21
  • Piarai piaraasarput: ullut 35-40
Nalunngiliuk?
Tulugaq Nunani Avannarlerni oqaluttuatoqqani pingaarutilittut eqqartorneqartarpoq. Guutip Odinip tulukkat marluk, Hugin aamma Munin inuit silarsuaannukartippai alapernaarsuiartortillugit. Tulukkat uteraangata inuit silarsuaanni pisut suulluunniit Odinip paasisarpai.